Twitter秘笈 - 礼仪篇
⓵ 我地唔係外国选民/国民,政客出声都係利益先行,如果我地本身符合对方利益,佢自然会出声。所以我地係尽量俾子弹人,将重点拉去外国本土既利益,有礼貌咁请人帮手。卖惨情无乜用,而太命令式都係会令人反感架。
⓶ 请尽量retweet+like,再入原post留言。因为retweet係推原post,但retweet w/ comment係自己另开新post,无推post效果,仲要得你本人既follower见到,只会事倍功半。
⓷ 尽量多搵外媒、名人去retweet,最好入埋去留言带风向。因为一堆政见一样既香港人互相retweet,除左围炉係无实际作用架。你地都唔想花咁多时间上Twitter,但係无效果架嘛。
⓸ 除左NCM Yue愿意大家tag佢,其实外国人用Twitter去tag唔识既人係好无礼貌。因为你一tag佢,所有既互动都令佢收到通知,炸爆人地,会好骚扰。咁人地又点会有心机想帮你呢?
⓹ 称呼要合乎对方身份,可以称呼美国参议员Senator/Sen 加 Surname,称呼众议员做Rep 加Surname。如果係英国Members of Parliament, 要用 [surname ] MP,MP要写喺后面。如果唔知点称呼,望下人地Twitter profile、请教Google大神或者留意其他手足点称呼啦。唔好乱叫人Mr/ Ms,你俾人叫错,个心都会唔舒服啦係咪?
⓺ 千祈唔好骑劫唔相关既议题,尤其是一啲历史文化禁忌、灾害、政治斗争。如果係又讲唔係又讲,我地就变左五毛架喇。
⓻ 千祈唔好就一啲未经证实既事情(非官方公佈)去指摘任何人係叛徒,会好伤真心为香港奋斗既手足架。可以检讨,但唔好指责。
⓼ 千祈唔好分享未经证实既传言,就咁一张图,冇来源,係人都讲得。如果未经有公信力团体(外媒,新闻网站)证实,都算未证实传言,每传一次,都俾左子弹对家攻击我地,仲会令我地失去可信性。
⓽ Hashtag或图都应该一个起、两个止。香港係无独立既hashtag trend,推hashtag作用唔係咁大。同埋一大推hashtag,其实表达唔到重点,太多图亦会失焦… 而且一定要加个人意见,如果唔係好易俾twitter官方认为你係bot,仲会有藉口俾五毛report你acc做spam添。用亲hashtag都要留意唔好串错,hashtag成日见到好多错字,好失礼架。
⓾ 大家尽量喺留言用Hong Kong字眼,因为外国用家如果用keyword search “Hong Kong”就会见到我地既留言,但现时一search好多时会先见到五毛既留言,要大家帮手洗白。