愈老愈恩爱 靓靓Chilam 拍拖去杭州拜佛
2017年10月02日 8:56 PDF版
好多人成日问夫妻相处之道,结婚多年到底如何维系?这方面应该请教靓靓袁咏仪同张智霖!得闲靓靓一句寸老公废,一时Chilam回敬叫老婆送楼,呢啲打情骂俏每日不时上演。就系咁,佢哋拍拖10年,再由情侣变夫妇,一眨眼结咗婚16年,岁月喺佢两个脸上不留痕迹,连感情都廿年如一日。最近二人撇甩囝囝张慕童,拍住拖去杭州普陀山拜佛,每天在演绎「一路上有你」真人版!
靓靓 Chilam愈老愈恩爱
放工对住仲唔够皮,两年前两公婆孖住拍 大陆真人骚《一路上有你》,大骚恩爱,之后成日孖住接广告、出event,就算Chilam出埠开工,阿靓都做跟得夫人,去到边都黐到实,鬼咁冤气!
拍拖去杭州
靓靓Chilam除咗啱key啱嘴型,最夹就系大家都有颗向善的心,最近就拍住拖去杭州普陀山拜佛,仲组团约埋老友蔡一智夫妇等人,一行人走访各大寺庙朝圣之余,又玩足几日,大家都撇低仔女,享受嚇拍拖日子!靓靓大赞净慈寺非常漂亮,更有幸认识到亲切嘅主持戒清大师,并于微博留言:「完成了普陀山之旅后,大家再有缘份到了杭州参拜了净慈寺。」
来源:SundayKiss
喜欢、支持,请转发分享↓Follow Us 责任编辑:赵凌云