脸书专页
翻墙交流电报群
RSS/FEED订阅
简体
正體
English
日語
한국어
Deutsch
Français
Русский
Español
Italiano习近平打落牙齿和血吞 至少连犯2错
文章转自网络，旨在为读者提供多元信息，文章内容并不代表本网立场和观点。
来源：苹果日报
华为太子女在加国被捕事件，越来越扑朔迷离。除咗太子女嗰3本特区护照，究竟点得嚟之外，强国喺呢几日突然好似“火山爆发“慨表现，亦引起外界慨兴趣。有媒体开始热传，习帝喺G20阿根廷峰会上犯咗至少两个策略性错误，令渠错失咗化解今次事件慨“黄金拯救时间“。嚟自强硬派同国内强烈慨民族主义情绪反应，迫使渠要作出强硬回应。不过，咁做又会令中美贸易喺呢“90日停火协议“慨谈判节外生枝。有人仲问，习帝真系做好咗破釜沉舟，同美国人链过慨准备？
综合外媒慨讲法，习帝首先错判形势，当日得知华为太子女喺加国被捕后，为咗顾全大局，无喺同侵侵举行谈判时质问对方。结果要“硬食“，仲畀侵侵同渠班白宫群英有机会开脱之余，依家多咗张牌可以打。海外华文媒体“博闻社“噚日引述中共消息指，习帝无同早知此事慨加国靓仔总理杜鲁多，喺G20峰会上有任何“互动“，系另一个“错误“。两日后，加拿大卑诗省高级法院就孟晚舟案件发出“禁止报道令“，结果反令事件迅速曝光。
最可圈可点慨系，靓仔总理事后高调承认，渠喺孟晚舟被捕前几天已获知有关拘捕行动，佢仲特别强调，无插手干预司法当局决定，亦无向其他国领袖披露事件。言下之意，即系渠无出卖盟友之余，亦暗示咗系习帝无同渠倾呢件事咋。
侵侵真系唔知今次孟晚舟事件？若然系真，就反映中美博奕，唔系侵侵一个人话晒事。美国政府内部，特别系情报部门似乎热衷于同中国打一场科技冷战。《华尔街日报》噚日引述知情人士透露，美国联邦检察院或者最快喺今个星期刑事控告同强国政府有关慨黑客，仲话呢啲黑客多年嚟入侵美国网络技术服务供应商，破坏其客户网络及窃取机密。依家风头火势，仲传出呢单嘢，背后点会无政治动机？系想趁势向强国加压，定系想破坏侵侵同习帝个刁，真系好值得深思！面对角逐连任压力慨侵侵，搞唔掂个刁，绝不会好过。
咁样睇嚟，习帝又真系几无辜，俾美国人玩咗一镬。渠呢个时候应该好谷气，明明讲好咗停火90日，依家美国人借加拿大“放火“，仲想搵黑客问题嚟发炮，嚟紧仲唔知会爆出咩问题，唔通喺呢90日为咗个刁，铺铺都要“打落牙齿和血吞“(解作受了委屈不想事件恶化)？讲番转头，美国人可能真系睇到呢样嘢，乘机喺呢个时候有仇报仇，插多两刀？怪唔得有消息指，中共内部强硬派抬头，除咗搵加拿大嚟出气外，仲决定要反击美国。
不过，观乎呢几日强国官媒慨反应，的确有啲“狗急跳墙“、乱无章法慨感觉，甚至俾外媒觉得似乎已遭民族主义情绪“绑架上马“，完全暴露晒华为同中共千丝万缕慨关系。中共越系反应激烈，就越俾人觉得背后有不可告人慨秘密，之后其他国家肯定会用嚟做理由剔除使用华为设备。
无论如何，孟晚舟单case已进入加国司法程序，根本不容以政治手段去解决。若然双方各退一步又如何？好似有美国华裔律师提议孟晚舟先认罪，主动到美国自首，最后罚款了事。呢个提议有啲天方夜谭，美国就系因为觉得罚款不足以对付违反对伊朗制裁令慨人，所以先要捉渠哋去坐监，即系有法例要依，事情已经唔系反口覆舌慨侵侵一句说了算。即使可以就有关控罪讨价还价，都唔系短时间内可以搞掂。喺咁慨形势下，即使习帝同侵侵都想就贸易问题达成个刁，根本唔系件易事。中美最后爆大镬，睇怕大家都可能阻止唔到，真系几恐怖！
_(网文转载)
