【文：香港言语治疗师总工会】

今个学年一开学，就传出有老师因为一份讨论言论自由嘅工作纸而被钉牌嘅消息，其后有线裁员事件、黎智英被捕被关押、教育局强行加入国安法教育、通识科被灭科等等嘅一连串事件，都畀我哋清晰噉见到香港言论自由嘅空间日益收窄，同时可以预见未来小朋友自小喺学校、喺主流媒体入面接触到嘅资讯，就只剩低政权编改好嘅洗脑教育。

Amin Hassanzadeh Sharif 嘅绘本《蓝色大树》（大块文化出版；粘耿嘉译）入面讲到，国王因为无办法接受城入面嘅蓝色大树比自己更受欢迎，锋芒更胜自己，于是下令手下斩咗大树。但即使大树被斩咗，佢嘅树枝依然停留喺城嘅每家每户入面，最后生长成一个壮丽嘅森林。

过去一年，不断传出有小朋友被警察无理对待、被判刑面临监禁嘅消息，本应无忧无虑嘅童年需要被卷入香港呢一段荒谬嘅历史入面，令人无比内疚同心痛。但无论如何，未来嘅香港系属于今日嘅小朋友。既然而家政权喺我哋生活各大范畴都画下红线，企图用谎言向小朋友洗脑，所有家长同从事有关儿童工作嘅香港人，更要好好保护我哋每一个屋企入面嘅“蓝色大树”，靠自己将真相传承落去。

故此，我哋先后制作咗两本绘本 —《羊村守卫者》以及《羊村十二勇士》，期望令家长有多一个媒介向年幼嘅小朋友讲述事件。《羊村守卫者》期望能够向小朋友解释反送中运动嘅由来，《羊村十二勇士》则系希望小朋友能够明白十二港人嘅情况，同时关注佢哋以及其他被逼流亡嘅香港人。

而家《羊村十二勇士》嘅实体书亦都摆放咗喺唔同嘅黄店度畀大家免费取阅，派发地点可以参考本会网站。

• 【寰宇古今】被迫到墙角的香港人 开始珍惜仍可珍惜的事物
• 香港前景论坛（六）：台湾大选后香港人应对中共渗透的角色
• 矢板明夫：中国球迷太玻璃心 而香港人说「爽歪歪」
• 23条恶法：五把大刀悬在香港人头上｜ #时事金扫描 #金然
• 妮歌洁曼新剧《外籍人士》摄于香港 但香港人无缘观看

• 🔥法国犹太老板：神告诉我们，只有一位中国人能救人类
• 🔥华人必看：中华文化的飓风 幸福感无法描述
• 🔥解锁ChatGPT|全平台高速翻墙:高清视频秒开,超低延迟
• 🔥免费PC翻墙、安卓VPN翻墙APP

“幸好这世上仍有抹灭不了的东西。”（出自《蓝色大树》一书），就等我哋一齐将呢样“抹灭不了的东西”一齐宣扬、一齐传承落去，相信香港总有一日能够变成一座壮丽嘅森林。同时，祝愿十二位勇士、所有被困、被迫流亡嘅香港人早日平安归来。