脸书专页
翻墙交流电报群
RSS/FEED订阅
简体
正體
English
日語
한국어
Deutsch
Français
Русский
Español
Italiano保护伞 — 点止黄店咁简单 台湾手足嘅“新屋企”
自从嚟咗台湾，我就变咗个 gym 撚，因为我只能够好努力锻练强壮起嚟，加上好好读书，做到身心健壮，照顾好自己，我先能够继续为信念奋斗。老实讲，依家香港咁嘅寒冬局势，我哋依班真．香港人唯有好好活落去，保存好我哋嘅信念、记忆、共同体悲喜经历，我哋先能够重建我哋嘅香港家园。
好惭愧我系只身嚟到台湾，为咗悭钱、又为咗增肌，先开始睇 YouTube 学煮饭，一啲好有心嘅家长又会好细心咁遥距教我点样煮饭。不过我都净系识煮一啲淡而无味嘅健身餐，差唔多样样饭?都用台湾恩物“大同电锅”嚟蒸熟，白饭、菜、鸡胸肉就一餐。每日朝早起身整饭盒带返学，放学做完 gym，再煮饭洗碗，真系好攰，慢慢明白到以前妈咪照顾自己嘅辛劳。
作者提供
后来为咗悭时间，就不停谂点样更快煮饭，学点样“盐渍法”醃制嫩滑鸡胸，蒸 20 分钟搞掂。更甚者，《保护伞》老板得知我自己煮就免费送食材俾我，已经煮熟嘅叉烧、烧肉，翻热就食得，仲有菠萝油、未炸西多做早餐，好多蔬菜均衡饮食，仲有免治猪肉俾我尝试蒸肉饼，不知不觉解锁咗好多煮法，又可以成日食返香港家乡味 ?
住家肉饼
依段日子我成长咗好多，但有时亦会感触，反而我无办法煮一餐饭俾屋企人品尝，无办法再为佢哋洗碗做家务……希望总有一日可以喺“屋企”再为屋企人煮一餐饭、再食返妈咪煮嘅饭，目前为止就好感激台湾依边保护伞嘅“新屋企人”每个星期都煲老火汤、又请我哋食返家乡味道嘅饭?，仲免费俾咁多食材我搞掂一日三餐。
(左)老板煲嘅老火汤同“男人嘅浪漫”(右) 老板做嘅港味烧卖
只可惜最近听讲，保护伞好难撑到年尾……依个消息实在晴天霹雳！老实讲，保护伞真系帮咗好多台湾手足，签出工作证俾就业手足，又个个月俾资助在学手足，仲俾出网店平台让手足做代购，免费请手足食饭，仲有免费送食材，又唔介意我哋边学边做。
保护伞喺我心目中绝对系与手足同行、齐上齐落嘅黄店，而且勇敢承受好大嘅政治风险同压力，我哋好多位手足都好信任佢哋。台湾有几多间黄店可以做到依个地步，我哋手足们都心里有数，亦好明白间间黄店都有佢哋经济上同政治上嘅压力同负担。不过中国肺炎嘅影响实在太大，加上仆街港共政府处理疫情嘅低劣政治手段，以致台湾一直未能为香港旅游解封通关……真系唔知道保护伞可唔可以挨到通关，俾各位真 ‧ 香港人嚟帮衬 ???
小弟我亦在此希望各位曾受保护伞帮助嘅台湾手足们，一齐各出奇谋，帮帮保护伞谂下点样宣传，吸引台湾本地人过嚟帮衬。我真心觉得，保护伞系“在台．真香港人”重建海外家园嘅精神、雏型、图腾，绝唔能够消逝而四散，我相信香港人能够坚持二零一九年以来展现嘅团结精神！
作者提供
作者 IG
（内文图片由作者提供）
