中文大学 挨得过枪炮 却死喺无耻嘅高层手上
2021年02月26日 2:00 PDF版
“我感到忧虑的,不是香港的自主权会被北京剥夺,而是这项权利会一点一滴地断送在香港某些人手里。”(彭定康)
段崇智、中文大学高层,你地嘅名字会永远记系香港中文大学嘅历史上,最极其丑陋污蔑卑劣嘅一页上。
近日,中大候任学生会内阁朔夜,以近四千票高票当选,系至2014年最高票。而中大校方今日光速劈下屠刀,与四千学生作对,用一系列极其严苟嘅打压手段,变相杀会。
一)断粮。宣布停止为中大学生会收取会费。
中大学生会系喺《香港中文大学条例》下注册,而唔系独立运作嘅社团。所以,只要中大拒绝为学生会收取会费,学生会嘅经费嘅财政来源将会完全被切断,再收唔到会费保持日常运作。
二)DQ。暂停学生会干事系校内唔同委员会嘅职务。
大学管治,讲求尊重学生嘅声音,所以各种管治大学嘅委员会,例如中大嘅“大学安全事务委员会”,都有学生会嘅代表。但从此以后,大学校方高层,决定唔再听学生意见,将学生粗暴DQ出大学管治架构之外。横蛮至此,无耻。
三)收地。暂停校方为学生会干事会提供的行政与大学场地支援。
换言之,中大校方要学生会:冇钱、冇委员代表、冇地方做嘢。
学生系一间学校嘅未来、一个城巿嘅未来。一间学校,可以随时为左奉承政权,向四千个学子开刀,算什么教育者、算什么大学?吃子如此,愧对创校先贤、愧对无数万千中大人。
二零一九年血色十一月,全港巿民前仆后继冒死都要扑入马料水嘅山城,就系为左守护属于香港人嘅呢座学府。香港人中大人,用血汗守住左中大,结果估唔到,中大嘅精神就此断送系呢批魑魅魍魉手上。
没有中大人,你段崇智、你中文大学,什么都不是。
你郁中大学生,全部中大人、全部学生、全部香港人都唔会䄂手旁观。
(原刊于作者 Facebook,标题经编辑修改)
喜欢、支持,请转发分享↓Follow Us 责任编辑:小婉